«Қазгидромет» РМК мамандарының хабарлауынша, 5 қазан күні Қазақстан аумағының басым бөлігінде антициклон жоталарының әсерінен жауын-шашын болмайды, тек республиканың батыс бөлігінде атмосфералық фронттардың өтуіне байланысты жаңбыр жауады, оңтүстік-батыста найзағай ойнайды. Республиканың басқа өңірлерінде жел күшейіп, тұман түседі.
Алматы облысындағы Жалаңашкөл маңында жел 18-23 м/с-қа күшейеді. Жамбыл, Батыс Қазақстан, Маңғыстау, Ақтөбе, Қостанай, Солтүстік Қазақстан облыстарында жел 15-22 м/с-қа күшейеді.
Шығыс Қазақстан, Атырау облыстарының жекелеген аудандарында түнде және таңертең тұман түседі, күндіз 15-20 м/с жел соғады. Оңтүстік, батыс, орталық облыстарда ауа температурасының жоғары болуынан дала өрті қаупі күшейеді.