«Қазгидромет» атмосфералық ауа ағындарының өтуіне байланысты еліміздің басым бөлігінде бұршақ жауып, найзағай ойнап, тұман түсетінін хабарлайды.
Солтүстік Қазақстан, Қостанай облыстарында жел 15 м\с-қа дейін күшейіп, күндіз кей жерлерінде бұршақ жауады.
Ақмола, Шығыс Қазақстан, Павлодар, Солтүстік Қазақстанда түнде және таңертең тұман түседі. Күндіз жел 15-20 м/с-қа дейін күшеюі ықтимал.
Қарағанды, Жамбыл, Түркістан, күндіз Маңғыстау облыстарында да жел 15-20 м/с жылдамдықпен соғады.
Алматы, Маңғыстау облыстарында қатты ыстық күтіледі.
Қызылорда, Түркістан, Ақтөбе, Атырау, Батыс Қазақстан, Маңғыстау, Қостанай, Қарағанды, Жамбыл, Алматы облыстарында дала өрті қаупі күшті болады.