Балуан Шолақ атындағы спорт сарайына тұрғындар бірнеше сағат ерте жиналды.

Денис Тен мәңгі сапарға аттанған күн — Фото: Айгүл Хожантаева/Baribar.kz

Дүние Денис кеткелі бос қалғандай. Адамдардың бәрінің қабырғасы қайысулы. Мұң. Қимастық.

Жұрт азаматтық жаназаның нашар ұйымдастырылғанын айтып жатты. Халқының сүйіктісі Дениспен қоштасуға жүздеген, тіпті, мыңдаған адамның келуі мүмкін екенін біле тұра, келушілер нөпірін реттеуді ешкім алдын ала ойластырмаған. Есік алдында тұрған бірнеше адамға жедел жәрдем қызмет көрсетті.

Спорт сарайының ішіндегі аура сай-сүйекті сырқыратады.

Денистің досы, боксшы, Олимпиада чемпионы, ҚР Парламенті мәжілісінің депутаты Серік Сәпиев.

Көңіл айтушылар Денистің ата-анасына, жақындарына сабыр тіледі.

Қазақстанның мақтанышы Геннадий Головкин Денисті өзінің туған бауыры санайды. Спортта да, еліміздің әлемдік беделін асқақтатуда да екеуінің мүддесі бір еді. Геннадий АҚШ-тан ұшып келді.

Жаназаға әлемнің түкпір-түкпірінен адам келді. Олардың арасында корейлердің тарихи отандастары да бар.

«Мұз жүрекке амал таппай аттанды-ау, Мұзайдынды бағындырған саңлағым…» (с) Ұларбек Нұрғалымұлы

Спортшының өзі орындаған She won’t be mine әні ойналды.

Жиналған халық спортшыны тоқтаусыз шапалақ ұрып, құрметпен шығарып салды. Ғимаратқа кіріп үлгермегендер төңіректі гүлге толтырды. Жылаған дауыстар естілді.