Facebook желісінде қандай жаңашылдықтар пайда болмақ?

«Алғашқы өзгерістер жаңалықтар таспасына қатысты болмақ. Сіздер (қолданушылар) ол жерден достарыңыз, отбасыңыз және топтар туралы ақпаратты жиі көретін боласыздар. Себебі, біз осы жоспарды бірінші орынға қоймақпыз. Ал, компаниялардың, брендтер мен БАҚ-тың жариялаған материалдары таспадан сирек көрінеді», — деп жазды Цукерберг өзінің әлеуметтік желідегі парақшасында.

Оның айтуынша, бұл жаңашылдықты енгізуге бірнеше ай қажет болады.

Facebook-ті 2004 жылдың 4 ақпанында Цукерберг пен оның үш курстасы Гарвард университетінде оқып жүріп ашқан болатын. Оның аудиториясы әлем бойынша 2 млрд қолданушыдан астам. Бұдан бұрын Цукерберг 2030 жылға дейін әлеуметтік желінің қолданушыларын 5 млрд-қа жеткізетінін мәлімдеген еді.

Дереккөзkazinform.kz