Түркиялық «Бурсаспорт» пен елордалық «Астана» ганалық шабуылшы Патрик Твумасидің трансфері туралы келісімге келді.
Қазақстандық клуб шабуылшыны 1,5 миллион еуроға сатуға келісімін беріпті. Бұған дейін елордалық клуб Твумаси үшін 2 миллион еуро талап еткен болатын.
23 жастағы Патрик Твумаси 2013 жылдан бері «Астана» сапында. Биылғы маусымда ол Қазақстан біріншілігінде 30 кездесу өткізіп, 14 гол және 5 нәтижелі пас берген. Оның елордалық клубпен 2019 жылдың соңына дейін келісімшарты бар.
