25 қазан күні батыста, оңтүстікте ғана ауа райы жауын-шашынсыз.
Республиканың кей жерлерінде жел күшейіп, тұман түседі, солтүстік бөлігінде көктайғақ, бұрқасын болуы мүмкін.
Ақмола, Солтүстік Қазақстан, Павлодар облыстарында желдің күші 15-20 м/с, екпіні 23-28 м/с жетеді, кей жерлерде бұрқасын, көктайғақ болады.
Солтүстік Қазақстан облысында тұман түседі.
Қостанай, Қарағанды облысының түнде басым бөлігінде, күндіз кей жерлерінде желдің күші 15-20 м/с жетеді, кей жерлерде көктайғақ, бұрқасын болады.
Жамбыл, Қызылорда, Маңғыстау, Шығыс Қазақстан, Оңтүстік Қазақстан түнде, күндіз Атырау облыстарында жел 15-20 м/с күшейеді.
Қызылорда облысында, Батыс Қазақстан, Ақтөбе облыстарының кей жерлерінде тұман болады.