Ақмола облысында дәрігер мамандар тапшы

Ақмола өңірінде бүгінгі күні 592 денсаулық сақтау нысаны жұмыс істейді. Оның біреуі республикалық, 19-ы облыстық, 5-уі ауданаралық, 8-і қалалық және 543 нысан елдімекендерде тұрғындарға медициналық қызмет көрсетеді.

Медицина, дәрігер, рентген
Фото: Мedpro.kz

Алайда аймақта дәрігер мамандардың тапшылығы мәселесі анық байқалады. Осы олқылықтың орнын толтыру мақсатында мемлекеттік деңгейдегі іс – шаралар қолға алынған.

Кадр тапшылығын жою мақсатында медицина мамандықтарына оқуға түскендерге аймақта жыл сайын атаулы стипендия тағайындалады. Бүгінгі күні  20 студент 700 мың теңге көлемінде шәкіртақы алады.

Осы мақсатта облыстық бюджеттен 14 миллион теңге қаржы қарастырылған.