Не болды?
Қырғызстан билігі Қазақстанға Тоқмақ қаласы маңындағы жер учаскесін теңдей аумаққа айырбастауды ұсынды. Бұл туралы Baribar.kz хабарлап отыр.
Мәлімет
Қырғызстан президентінің баспасөз хатшысы Асхат Алагөзовтің мәлімдеуінше, ұсыныс Тоқмақ ауданындағы ұзындығы 800 метр жер теліміне қатысты. Мұндай шешім қабылданса, Алматы көшесінен Кемин қаласына дейін созылатын шамамен 150 шақырым ақылы автомагистраль салуға мүмкіндік туады.
Алагөзов бұл мәселені саяси пікірталас құралына айналдырмауға шақырды. Әзірше Қазақстан тарапының ұсынысқа қатысты ресми ұстанымы жарияланған жоқ.
Қазір Бішкектен Ыстықкөлге бағыт алған көліктер Тоқмақ маңындағы жолдың бір бөлігінде Қазақстан аумағы арқылы өтеді. Аталған учаскеде бақылау-өткізу бекеті жоқ, алайда жолдың екі жағы қоршаумен жабылған.
Сонымен қатар Қырғызстан өкілі Өзбекстанмен арадағы шекараны нақтылау туралы да айтты. Бұған дейін Өзбекстан құрамында болған Чоңгара мен Таш-Төбе ауылы тұрғындарымен бірге Қырғызстанға өткен. Бұл елді мекенде негізінен этникалық қырғыздар тұрады.
Сонымен бірге екі мемлекет жаңа автожол салу мақсатында Сай және Таяун ауылы арасындағы аумақта 236 гектар жерді алмастырған.
Контекст
Естеріңізге салайық, Қырғызстан алғаш рет БҰҰ қауіпсіздік кеңесінің тұрақты емес мүшесі болды.
