Не болды?
Былтыр еліміздегі «Өскемен титан-магний комбинаты» АҚ 87 млрд теңгеге 12 мың тонна титан сатқан. Бұл туралы Baribar.kz хабарлап отыр.
Мәлімет
Премьер-министр Олжас Бектенов Өскемендегі титан комбинатының төрағасы Сильван Гелермен кездесіп, кәсіпорынның әлемдік титан нарығындағы үлесін талқылады. Былтыр «Өскемен титан-магний комбинаты» АҚ 87 млрд теңгеге 12 мың тонна титан өндіріп, сатқан. Биыл кәсіпорын титан өндірісін 7% арттыруды жоспарлап отыр.
Әлемдік титан нарығындағы Қазақстанның үлесі — 20%
Титан өнімдері аэроғарыш саласында, мұнай-химия және атом өнеркәсібінде, медицина мен кеме жасау өндірісінде қолданылады. Қазақстаннан шығатын титанның әлемдік аэроғарыш нарығындағы үлесі — 20%. Комбинат Boeing, Airbus, Safran, Rolls-Royce, TIMET, Howmet Aerospace, Dynamet, PCC мен POSCO сияқты жетекші халықаралық өнеркәсіп корпорацияларына титан жеткізеді.
Комбинат 2033 жылға дейінгі инвестициялық бағдарлама аясында 25 жоба дайындады. Бағдарлама құны — 255,5 млрд теңге. Жаңа жобалар энергияны тиімді пайдаланып, кәсіпорынның өндіріс қуатын арттыруға ықпал етеді.
Контекст
Естеріңізге салайық, «Теңізшевройл» ЖШС Теңіз және Королевское кен орындарында мұнай өндіруді уақытша тоқтатқан еді.
