Малайзияның жоғары білім министрлігі Қазақстанның ұлттық бірыңғай тестілеу (ҰБТ) сертификатын ресми түрде таныды. Бұл туралы Baribar.kz хабарлап отыр.
ҚР ғылым және жоғары білім министрлігінің мәліметінше, енді бұл құжат Малайзия университеттерінің бакалавриат бағдарламаларына түсу кезінде ұсынылатын құжаттар тізіміне енгізіледі.
Қазақстандық түлектер енді Малайзияның бірқатар жоғары оқу орындарына міндетті Foundation даярлық бағдарламасын өтпей-ақ, ҰБТ сертификаты арқылы тікелей түсе алады. Сонымен қатар ағылшын тілінде оқытылатын бағдарламаларға қабылдану үшін IELTS, TOEFL немесе басқа баламалы халықаралық сертификаттар арқылы ағылшын тілін меңгеру деңгейін растау талабы сақталады, — делінген хабарламада.
