«Қазақстан темір жолы» мамыр мерекелері қарсаңында пойыздарда қосымша орындар іске қосылатынын мәлімдеді. Бұл туралы Baribar.kz хабарлап отыр.
Компания мәліметінше, 6–11 мамыр аралығында сұранысы жоғары бағыттар бойынша пойыз құрамдары 175 қосымша вагонмен толықтырылады. Нәтижесінде жолаушыларға шамамен 16 мың қосымша орын ұсынылады. Бұл шара мереке кезеңінде билеттердің қолжетімділігін қамтамасыз етуге бағытталған.
Қосымша орындар Астана, Алматы, Павлодар, Түркістан, Атырау, Семей, Петропавл, Қызылорда, Ақтөбе, Өскемен, Қарағанды және басқа да бағыттар бойынша ұсынылады, — делінген хабарламада.
Жолаушылар билеттерді комиссиясыз ресми сайттан немесе «Жолаушылар тасымалы» АҚ кассаларынан сатып ала алады.
