«Россия» әуе компаниясы Астана мен Санкт-Петербург арасындағы тікелей рейстердің қайта жанданатынын мәлімдеді. Бұл туралы Baribar.kz хабарлап отыр.
Астана халықаралық әуежайының мәліметінше, тұрақты рейстер 3 маусымнан басталады. Ұшулар «эконом» және «бизнес» кластарымен жабдықталған Airbus A319 лайнерлерімен орындалады. Жазғы маусымда рейстер аптасына үш рет жүзеге асырылады:
- Астанадан – дүйсенбі, бейсенбі және сенбі күндері,
- ал Санкт-Петербургтен – сейсенбі, жұма және жексенбі күндері.
Мамандардың айтуынша, бұл бағыт жолаушылар арасында жоғары сұранысқа ие. Жаңа рейстердің қайта ашылуы екі қала арасындағы туристік және іскерлік байланыстарды нығайтуға ықпал етеді деп күтілуде.
