28 сәуір – дарынды композитор, әнші, Қазақстанға еңбегі сіңген өнер қайраткері Батырхан Шөкеновтің қайтыс болған күні. Ол 1962 жылы 18 мамырда Қызылорда қаласында дүниеге келген. 21 жасында Бүкілодақтағы эстрада әртістері байқауының лауреаты марапатын алды. 2015 жылғы 28 сәуір күні әншінің жүрегі тоқтап, 53 жасында қайтыс болды.
Батырхан Шөкеновтың шығармашылығы туралы тест тапсырып көріңіз.
«Ғашық бола ма осылай! Бақыт жолы қашық-ай», - деген жолдар әншінің қай әнінде кездеседі?
Бұл - «Қайран көңіл-ай» деген әннің үзіндісі. Ғашық бола ма осылай! Бақыт жолы қашық-ай. Асып тасатын шаттықты, Қалай кеттік шашып-ай?
2007 жылы Алматыдағы республика сарайында қандай альбомы жарық көрді?
2007 жылы Алматыдағы республика сарайында әншінің "Батыр LIVE" альбомы жарық көрді. Содан соң 2007-2015 жылдары Батырхан Нұрсұлтан Назарбаевтың мәдениет саласындағы кеңесшісі қызметін атқарады.
Батырханның қай әні халық арасында танымал болды?
Кеңес одағы тараған соң жұрт шетел мәдениетіне, тіпті ерекше есімдерге қызыға бастаған. Осы тұста «Джулия» әні жарыққа шықты. Әнін Байғали Серкебаев пен Батырхан Шөкенов, сөзін Владимир Миклошич жазған.
Әнші қай топта 13 жыл бойы саксофоншы болып, өнер көрсетті?
Батырхан Шөкенов 1987-2000 жылдар аралығында «А-Студио» тобының саксофоншысы болды. Бұл топтың атауы бастапқыда «Арай» деп аталды.
«Айға шапқан асау арман-ай! Ақыл ғана қорған болған-ай!», - деген өлең жолдары қай әннің үзіндісі?
Бұл үзінді Батырхан Шөкеннің «Сағым дүние» әнінен алынды. Сағым дүние, өмір жалған-ай! Қанша жерде көңіл қалған-ай! Айға шапқан асау арман-ай! Ақыл ғана қорған болған-ай!
Әнші қайда қайтыс болды?
2015 жылдың сәуір айының соңында Батырхан Шөкенов «Один в один» жобасына қатысып, сахнаға шығуы керек еді. Алайда 28 сәуір күні өмірден өтті. Ресми мәлімет бойынша, ол Мәскеудегі пәтерінде инфарктан қайтыс болған. Марқұм Алматыда жерленді.
Батырхан Шөкеновтың алғашқы шығармашылық қадамы қай топпен байланысты?
1982 жылы Батырхан "Арай" тобында Роза Рымбаеваның саксофоншы болып алғаш рет өнер көрсетті. Әнші джаз композицияларын орындаған.
Туған жер мен елге деген сүйіспеншілікті арттыратын әні қандай?
Батырхан Шөкенов 2002 жылы «Отан-Ана» әнін жарыққа шығарды. Әннің сөзін Тұманбай Молдағалиев, ал әнін Қуат Шілдебаев жазған.
Соңғы альбомы қай жылы жарыққа шықты?
Батырхан Шөкеновтің соңғы альбомы 2013 жылы шыққан. Әнші сол жылы “Россия-1” телеарнасындағы “Живой звук" телебағдарламасының жеңімпазы болды.
Бөлісе отырыңыз:
