22 сәуірден бастап Астанада Абай даңғылының бір бөлігі уақытша жабылады. Бұл туралы Baribar.kz хабарлап отыр.
Астананың көлік және жол-көлік инфрақұрылымын дамыту басқармасы 22 сәуірден бастап Абай даңғылының Республика даңғылынан Сарыарқа даңғылына дейінгі аралықта жол жабынының жоғарғы қабатын төсеу жұмысын жүргізеді. Осыған байланысты қозғалыс кезең-кезеңімен жабылады.
Жүргізушілер мен жаяу жүргіншілер жол жүру бағытын алдын ала жоспарлауы және ықтимал өзгерістерді ескеруі қажет. Қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылады.
