Не болды?
FlyArystan 2026 жылғы жаз маусымында Ақтаудан Батумиге ұшатын тікелей рейстерді іске қосады. Бұл туралы Baribar.kz хабарлап отыр.
Мәлімет
Әуекомпания ақпаратына қарағанда, бұл халықаралық FS7729 рейсі 2026 жылғы 6 маусымнан 29 тамызға дейін, аптасына екі рет (сейсенбі және сенбі күндері) ұшады. Әуе билеттерінің құны бір бағытқа 41 000 теңгеден басталады. Рейс:
- Ақтаудан сағат 09:05-те ұшып, Батумиге 09:55-те қонады;
- Батуми қаласынан 10:55-те ұшып, Ақтауға 13:40-та жетеді.
Контекст
Естеріңізге салайық, FlyArystan әуе компаниясы Таяу Шығыстағы тұрақсыз жағдайға байланысты Ақтау – Дубай – Ақтау бағыты бойынша рейстерді 2026 жылғы 29 тамызға дейін тоқтатты.
