Бүгін, 15 наурызда, жалпыұлттық референдум күні Алматының Медеу ауданында орналасқан №361 сайлау учаскесінде балалар үшін шағын қуыршақ театрының қойылымы ұйымдастырылды. Бұл туралы Baribar.kz хабарлап отыр.
Балалардың сүйікті кейіпкерлері бейнесіндегі ұзын бойлы қуыршақтар қатысқан бұл мәдени бағдарлама учаске жұмысына жағымды реңк беріп, келушілер үшін қызық әрі мерекелік атмосфера қалыптастырды.
Кейіпкерлер кішкентай қонақтарды жылы жүзбен қарсы алып, олармен естелікке суретке түсті. Мұндай жылы кездесу балалардың көңіл күйін көтеріп, нағыз мерекелік сезім сыйлады.
Ересектер дауыс беруге қатысып жатқан кезде, кішкентай қонақтар түрлі-түсті қуыршақтар мен ертегі кейіпкерлері қатысқан қызықты көріністі тамашалай алды. Әртістер тәрбиелік мәні бар және интерактивті элементтерге толы шағын спектакль ұсынды. Балалар қуыршақтармен бірге ән айтып, би билеп, түрлі ойындарға қатысты.
Ұйымдастырушылардың айтуынша, мұндай шаралар сайлау учаскесінде мерекелік атмосфера қалыптастырып, баламен келген ата-аналар үшін маңызды қоғамдық шараға қатысуды әлдеқайда қолайлы етеді. Отбасымен келген азаматтар бастаманы оң бағалап, балалардың қойылымды қызыға тамашалап, уақытты көңілді өткізгенін айтты.
Аудан тұрғындары да мұндай мәдени бастамалар сайлау үдерісін барлық буын өкілі үшін ашық әрі достық атмосферада өткізуге ықпал ететінін айтты.
