Ауа райының қолайсыздығына байланысты еліміздің бірнеше өңірінде республикалық маңызы бар автожол учаскелерінде қозғалыс шектелді. Бұл туралы Baribar.kz хабарлап отыр.
«ҚазАвтоЖол» ұлттық компаниясы жүргізушілерге ескерту жасады.
Шығыс Қазақстан облысы
- KAZ-08 «Алматы – Талдықорған – Өскемен – Шемонаиха – РФ шекарасы» автожолының 1194–1212 шақырымы (Шемонаиха қаласы – Ресей шекарасы аралығы) уақытша жабылды.
Жолды 2026 жылғы 13 наурыз сағат 08:00-де ашу жоспарланып отыр.
Солтүстік Қазақстан облысы
- «Қостанай – Мамлютка» автожолы, 226–406 шақырым (Қостанай облысы шекарасы – Мамлютка қаласы);
-
«Астана – Атбасар – Жақсы – Рузаевка – Сарыкөл – Қостанай – РФ шекарасы» автожолы, 346–407 шақырым (Жақсы кенті – Солтүстік Қазақстан облысының шекарасы).
Қостанай облысы
- «Қостанай – Рудный – Денисовка – Комсомольское – Қарабұтақ» автожолының 234–385 шақырымы (Ақтөбе облысы шекарасы – Денисовка кенті) жабылды.
Павлодар облысы
- «Астана – Шідерті – Павлодар – Успенка – РФ шекарасы» автожолындағы «Қалқаман» жолайрығында (Қалқаман кенті маңы) қозғалыс шектелді.
