Қазақстан премьер-министрінің орынбасары және ұлттық экономика министрі Серік Жұманғарин қосылған құн салығының өсуі азық-түлік бағасына кері әсер етіп жатыр деген пікірге түсініктеме берді. Бұл туралы Baribar.kz хабарлап отыр.
Оның айтуынша, Қазақстан өзін барлық азық-түлік түрімен қамтамасыз ете алмайды.
Біз өзімізді әлеуметтік маңызы бар азық-түлік өнімдерімен, яғни 70-тен 90%-ға дейін қамтамасыз етеміз. Әлеуметтік маңызы бар азық-түлік өнімдерінен басқа өнімдерді тұтынатындар бұл өнімдердің импортталған болуы мүмкін екенін түсінуі керек. Азық-түлік бағасы әлемде өсіп жатыр. Мысалы, өткен жылы күнбағыс майының индексі 124 болды, ал сүт пен ет бағасы күрт өсті, — деді Серік Жұманғарин.
Оның сөзіне қарағанда, 2026 жылғы қаңтардағы жағдай бойынша Қазақстандағы азық-түлік инфляциясы 0,8%, ал көршілес Ресейде 2% болған.
Біз азық-түліктің көп бөлігін Ресейден аламыз, сондықтан бұл импорттық инфляцияның көзі. Сондықтан біз барлық нәрсені қосылған құн салығының 4% өсуімен байланыстырмауымыз керек, — деді министр.
