Не болды?
Солтүстік Қазақстан облысында азық-түлік бағасын көтерген 20 кәсіпкерге айыппұл салынды. Бұл туралы Baribar.kz хабарлап отыр.
Мәлімет
Сауда және интеграция министрлігінің мәліметінше, биыл жыл басынан бері Солтүстік Қазақстан облысындағы 20-ға жуық кәсіпкер азық-түлікті шекті бағасынан жоғары сомаға сатқан. Жалпы айыппұл көлемі — 1,5 миллион теңге.
Кейбір саудагерлер бағаны шекті үстемеақыдан 50% көп мөлшерде қойған. Бұл әрекет мемлекеттік кірістер департаментінің электрон шот-фактураларды талдау нәтижесінде анықталды. Ең көп қымбат сатылған өнімдер — картоп, сәбіз, күріш, алма және өзге де әлеуметтік маңызы бар азық-түлік.
Сауда және тұтынушылардың құқығын қорғау департаменті кәсіпкерлерге заң талабын қатаң сақтау қажет екенін ескертті.
Анықтама
Шот-фактура – сатушының тауар сатқанын растайтын, сатылған тауардың құны мен салық мөлшерін (ҚҚС) көрсететін құжат.
Контекст
Естеріңізге салайық, былтыр картоп бағасын өсіргендерге 2,6 миллион теңгеден астам айыппұл салынған еді.
