Ұлттық тасымалдаушы Халықаралық әйелдер күніне орай қосымша вагондар тағайындайды. Бұл туралы Baribar.kz хабарлап отыр.
«Жолаушылар тасымалы» АҚ 8 наурыз — Халықаралық әйелдер күні қарсаңында солтүстік, оңтүстік және батыс өңірлерде, сонымен қатар қала маңы бағыттарында қосымша тіркемелі вагондар тағайындайды.
Жалпы саны 122 тіркемелі вагон қосылып, шамамен 6 мыңға жуық жолаушыны қосымша тасымалдауға мүмкіндік береді, — делінген хабарламада.
Компанияның мәліметінше, қосымша вагондар Астанадан Алматы, Шымкент, Ақтөбе, Өскемен және өзге де қалаларға қатынайтын сұранысы жоғары бағыттарға енгізіледі.
