Пәкістан премьер-министрінің резиденциясында Қасым-Жомарт Тоқаевты ресми қарсы алу рәсімі өтті. Бұл туралы Baribar.kz хабарлап отыр.
Ақорданың мәліметінше, мемлекет басшысын Пәкістан премьер-министрі Шахбаз Шариф күтіп алды.
Қазақстан президенті мен Пәкістан премьер-министрі суретке түскен соң екі елдің мемлекеттік әнұрандары орындалды. Содан кейін Құрмет қарауылының бастығы рапорт берді. Қасым-Жомарт Тоқаев пен Шахбаз Шариф бір-біріне ресми делегация мүшелерін таныстырды, — делінген хабарламада.
