ChatGPT-ге тыйым салған тиімді шешім емес. Керісінше, бұл құралды дұрыс әрі қауіпсіз қолдану дағдысын үйрету керек. Мұғалім Гүлмира Самылтырова ChatGPT-ді қолданатын оқушыларға кеңес айтты.
- Жеке мәліметті қорғау
Оқушылар чатқа аты-жөнін, мекенжайын, мектептің атауын, телефон нөмірін, ЖСН-сын және басқа да жеке дерегін жазбауы керек. ChatGPT – ашық жүйе, онда жазылған ақпарат тарап кетуі мүмкін. Тіпті, бұл дерек алаяқтардың да қолына түсуі мүмкін.
- ЖИ жұмысын толық көшірмеу
Оқушы ЖИ ұсынған жұмысты, мәтінді толық көшірмеуі керек. Біріншіден, бұл этикаға қайшы. Екіншіден, бала тапсырманы өзі орындамаған соң, оны түсінбейді.
- Ақпаратты тексеру
ChatGPT кейде қате немесе ескірген ақпарат береді. Сондықтан оқушы әр жауапқа сене бермей, оны басқа дереккөздерден тексеріп үйренуі керек. Бұл – сыни ойлауды дамытудың жақсы тәсілі.
