Алматыдағы дәмханалардың бірінде даяшыға балағат сөз айтып, аяғын сүрткізген қыз әкімшілік жауапкершілікке тартылды.
Бұл туралы қалалық полиция департаменті хабарлап отыр.
Полицейлер қоғамдық тәртіпті бұзған бойжеткеннің жеке басын анықтап, оны ұсақ бұзақылық бабы бойынша жауапқа тартты. Құқық бұзушы Атырау қаласында ұсталған. Ол түсініктеме беру кезінде кінәсін мойындап, жасаған әрекетіне өкінетінін жеткізді.
Қоғамдық орындарда мәдениетті мінез-құлық сақтау – «Заң және Тәртіп» қағидатының негізі. Айналаға және заңға құрметсіздік көрсетуге жол берілмейді, – делінген хабарламада.
