Денсаулық сақтау министрі Ақмарал Әлназарова оқтан жарақат алған Шымкент қаласы әкімінің орынбасары Руслан Берденовтің қазіргі жағдайын айтып берді.
Ақмарал Әлназарованың айтуынша, қазіргі кезде Руслан Берденов өзі жүріп-тұра алады.
Қазіргі кезде пациенттің жағдай тұрақты. Өзі жүре алады. Дегенмен әзірше дәрігерлердің қарауында болады, — деді Ақмарал Әлназарова үкіметте өткен брифиңде.
Естеріңізге салайық, Шымкент қаласы әкімінің орынбасары Руслан Берденовке әлдекім оқ атып кеткен еді. Оқиға әкімдік ғимаратының маңында болған. Руслан Берденовке үш рет оқ атқан.
