Боранқұл станциясында оқыс оқиға болып, пойыз ер адамды басып кетті. Бұл туралы «Қазақстан темір жолы» АҚ баспасөз қызметі хабарлап отыр.
Осыған орай ҚТЖ теміржол бойында қаупсіздік ережесін сақтауды сұрайды.
Оқиға 28 ақпан күні сағат 21:46–да болған. Теміржолды белгіленбеген орыннан кесіп өтпек болған адамның әрекеті осындай қайғылы оқиғаға себеп болды. Ер адам Бейнеу аудандық ауруханасына жеткізілді. Оқиға туралы ақпарат Маңғыстау желілік полиция бөлімшесіне жеткізілді, — делінген хабарламада.
Жаяу жүргіншілерге келесідей ережелерді сақтау ескертілді:
- теміржолды тек қана белгіленген орыннан кесіп өту;
- өте сақ бол;
- теміржолға жақын маңайда гаджет, құлаққап пайдаланбау.
Ережені ұстану трагедиядан сақтануға көмектеседі.
