Америкалық киноөнер академиясы «Оскар» сыйлығының жаңа иегерлері есімін жариялады. Салтанатты марапаттау рәсімі 97-ші рет өтті.
Бұл туралы ТАСС хабарлап отыр.
Жеңімпаздар 23 номинация бойынша марапатталды.
Шон Бейкердің «Анора» фильмі бірден бірнеше беделді марапатқа ие болып, кештің басты жеңімпазы атанды. Бұл туынды жылдың үздік фильмі ғана емес, үздік режиссура, үздік әйел рөлі, үздік бірегей сценарий және үздік монтаж номинацияларында да топ жарды.
«Оскар-2025» жүлдесінің иегерлері кино әлеміндегі жаңа үрдістерді көрсетті. Биыл ерекше драмалық және әлеуметтік маңызы бар фильмдер назарға ілікті.
2025 жылғы «Оскар» сыйлығының жеңімпаздары:
- Үздік ер адам рөлі – Эйдриен Броуди («Бруталист»).
- Үздік әйел адам рөлі — Майки Мәдисон («Анора»).
- Екінші пландағы үздік ер адам рөлі – Киран Калкин («Нағыз ауырсыну»).
- Екінші пландағы үздік әйел адам рөлі – Зои Салдана («Эмилия Перес»).
- Үздік анимациялық фильм – «Ағын».
- Үздік қысқаметражды анимациялық фильм – «Кипарис көлеңкесінде».
- Үздік костюмдер – «Зұлым: Батыстың мыстаны туралы ертегі».
- Үздік бірегей сценарий – «Анора».
- Үздік бейімделген сценарий – «Конклав».
- Үздік грим және шаш үлгісі – «Субстанция».
- Үздік монтаж – «Анора».
- Үздік қоюшы-суретші жұмысы – «Зұлым: Батыстың мыстаны туралы ертегі».
- Үздік ән – El Mal («Эмилия Перес»).
- Үздік қысқаметражды деректі фильм – «Оркестрдегі жалғыз қыз».
- Үздік деректі фильм – «Басқа жер жоқ».
- Үздік дыбыс – «Құмбел: Екінші бөлім».
- Үздік визуал эффектілер – «Құмбел: Екінші бөлім».
- Үздік қысқаметражды көркем фильм – «Мен робот емеспін».
- Үздік операторлық жұмыс – «Бруталист».
- Үздік халықаралық фильм – «Мен әлі де осындамын» (Бразилия).
- Үздік саундтрек – «Бруталист».
