Үкімет отырысында премьер-министр Олжас Бектенов әділет министрлігінің қызметіндегі орынсыз шығындарды азайту қажет екенін айтты.
Әділет министрі Ерлан Сәрсембаев ведомство өзінің аумақтық бөлімшелерінің қызметін оңтайландыруға ниетті екенін айтты.
Қазіргі уақытта сот орындаушысының роботы арқылы жеңілдетілген өндіріс дамып жатыр. Робот арқылы өндіріп алу сомасын 20 АЕК-тен 40 АЕК-ке дейін көбейту жоспарланып жатыр, бұл азаматтардың өз қаражатын үнемдеуіне мүмкіндік береді.
Бұдан басқа, азаматтарға заң қызметтерін көрсету тетігін, сот-сараптама қызметін жүргізу әдістемелерін жетілдіру, әзірленіп жатқан заң жобаларының сапасын арттыру үдерісі жүргізіліп жатыр. Әділет министрінің айтуынша, бұл шараларды қабылдау қызмет көрсету сапасын, сонымен қатар аумақтық органдар жұмысының тиімдігін арттыруға мүмкіндік тудырады.
Олжас Бектенов шығындарды оңтайландыру цифрлық технологияларды енгізу арқылы жүзеге асырылуға тиіс екенін баса айтты.
Сіз атап өткен жаңа тәсілдерді толығымен қолдаймын. Цифрландыру арқылы артық шығындар мен қажетсіз құрылымдарды қысқарту қажет. Нәтижесінде жалпы мемлекеттік аппараттың тиімдігі артады. Бұл барлық мемлекеттік органға қатысты, — деді премьер-министр.
