Астанада 2025 жылдың басынан бері 72 адам қандас статусын алған. Бұл туралы елорда әкімінің ресми сайты хабарлап отыр.
Әкімдіктің мәліметінше, 2025 жылдың басынан бері елордада 72 адам қандас статусын алды – 45 әйел және 27 ер адам. Оның 52-сі Өзбекстаннан, жетеуі Ресей Федерациясынан, алтауы Қытайдан, бесеуі Түрікменстаннан, Моңғолия мен Түркиядан бір-бірден келген. Еңбек жасындағы үміткерлер саны – 40 адам, мектепке дейінгі және мектеп жасында – 26 адам, алтауы – зейнеткер.
Еңбек жасындағы үміткерлердің 16-сы ның жоғары, 16-сының орта арнаулы, сегізінің жалпы орта және бастауыш білімі бар. «Мамандық (біліктілік) бойынша білім беру саласында – жеті адам, денсаулық сақтауда – бес, басқа мамандықтар бойынша – 28 адам, – деді жұмыспен қамту және әлеуметтік қорғау басқармасының басшысы Илья Скуб.
Сонымен қатар жыл басынан бері елорда 27 этникалық қазаққа қандас статусы ұзартылды. Алыс-жақын шет елдердегі этникалық қазақтардың отбасын біріктіру мақсатында екі шақырту берілді.
2024 жылы Астанада 969 адам қандас мәртебесін алды, олардың 544-і Өзбекстаннан, 221-і Қытайдан, 132-сі Ресей Федерациясынан, 48-і Моңғолиядан, сегізі Түрікменстаннан, тоғызы Қырғызстаннан, екеуі Ауғанстаннан, үшеуі Кипрден, екеуі Тәжікстаннан келген.
