Рамазан қарсаңында өткен баспасөз маслихатында бас мүфти Наурызбай қажы Тағанұлы діни терминдерді қазақша айтуға шақырды.
Өкінішке қарай, кейбір жас буын өкілдерінің ауызашарды ифтар, сәресін сухур деп айтып жүргені көңілге қаяу түсіреді. Сан ғасырдан бері мұсылмандық жолды ұстанған ата-бабаларымыз ауызашар, сәресі деген сөздерді қолданған. Біз де бабалар жолын ұстанған ұрпақ ретінде өзге тілден енген діни терминдерден барынша арылуымыз керек, – деді ол.
Биыл Рамазан айы 1 наурызда басталады. Қазақстан мұсылмандары діни басқармасы 2025 жылғы Ораза кестесін жариялап отыр.
Наурыз айының 26-нан 27-не қараған түн — Қадір түні, 30 наурыз — Ораза айт мерекесі. Пітір садақасы 655 теңге болып бекітілді.
