Елдегі эпидемиологиялық жағдай барлық негізгі инфекциялық ауру бойынша тұрақты болып тұр. Бұл туралы денсаулық сақтау министрлігінің баспасөз қызметі хабарлап отыр.
Жыл басынан бері республика бойынша қызылшаның 273 жағдайы тіркелді, оның ішінде қаңтар айында 168 жағдай анықталды, бұл 2024 жылғы ұқсас кезеңмен салыстырғанда 98,2%-ке төмендеуді білдіреді. Кейінгі аптада қызылшаның 59 жағдайы тіркелді, — деп жазылған хабарламада.
Биылғы жылдың басынан бері көкжөтелдің 104 жағдайы, оның ішінде қаңтарда – 69 жағдай тіркелді, бұл сырқаттанушылық деңгейінің 49%-ке төмендегенін көрсетеді. Өткен аптада көкжөтелдің 18 жағдайы тіркелді. Қызылша мен көкжөтелдің көбі егілмеген балалардың арасында тіркелді.
Ведомство мәліметінше, иммундауды күшейту жөніндегі шаралар, профилактикалық жән эпидемияға қарсы іс-шаралар қызылша бойынша жағдайды тұрақтандыруға мүмкіндік берді.
