Боксшылар оқу-жаттығу жиынындағы дайындықтарын тығыз достық қарым-қатынаста бастап кетті. Дайындық жұмыстары барысында қазақстандық боксшылар Украинаның еңбек сіңірген жаттықтырушысы, көптеген ғылыми еңбектердің авторы Остьянов Вадим Наумовичтен дәріс алатын болады.
Кезекті оқу-жаттығу жиындары алдында ұлттық құрама желтоқсан және қаңтар айларында туған күні өткен спортшыларды құттықтап, дастархан жайды. Қуаныш иелеріне естелік сыйлықтар табысталды. Әлем және Азия чемпионы Жәнібек Әлімханұлы гитарамен ән айтып, кеш көрігін қыздырды.
