ASUS компаниясы ақпаратты жылдам табатын, аудармашы бола алатын, сапалы контентті тұтынуға әрі жасауға мүмкіндік беретін тағы бір ноутбугының жаңа моделін шығарды. Бұл — ASUS ExpertBook P5. Ноутбук қолданушының қауіпсіздігін ойлайды әрі өз-өзіне диагностика жасай алады. Жұмысты жеңілдететін құрылғыны кәсіпкер Мақсат Батырқұл бірнеше күн қолданып көріп, оның функцияларын шолып, қаншалық ыңғайлы екенін айтып берді.
Ноутбуксыз, смартфонсыз және интернетсіз кәсіп жүргізу мүмкін емес
Daryn.online деген білім платформасының атқарушы директорымын. Платформамыз 10-11-класс оқушыларына ҰБТ-ға дайындалуға, 5-6-класс оқушыларын Назарбаев зияткерлік мектебі, Дарын, Білім инновация лицейі сияқты мектептерге оқуға түсу үшін тапсыратын емтиханға дайындалуға көмектесетін курстар ұсынады. Оған қоса мектепте оқитын барлық пән бойынша видеосабақтар, мұғалімдерге білігін арттыруға арналған түрлі курс түсіреміз. Менің жұмысым — осы платформаны жасап жатқан компаниямыздың қаржы, маркетиң, сату бөлімінің қызметін бақылау, біздің платформамыз арқылы оқушылардың қалай білім алып жатқанын қадағалау.
Таңертең оянғаннан кешке ұйықтағанға дейін жұмыс процесін бақылап отырамын, әп сәтте шешпеске болмайтын төтенше жағдайларды дер кезінде біліп әрі реттеп отыру үшін үнемі байланыста болуға тырысамын. Сол себепті смартфоным мен ноутбугым қолымнан түспейді. Тіпті күніне шамамен 8-9 сағатым ноутбуктың алдында өтеді. Өйткені қазіргі жұмысымыздың көбі онлайн форматқа көшкен: жиналыстар Zoom арқылы өтеді, түрлі құжатты онлайн қабылдап-жолдаймыз, әлеуметтік желілер мен мессенжер арқылы байланысамыз. Мұның бәрі ноутбук арқылы іске асады. Бүгінде ноутбук, смартфон және интернетсіз өмір сүру, кәсіп жүргізу мүмкін емес.
«Ноутбугым қойын дәптер сияқты жеңіл әрі сәнді болғаны керек»
Бұрын блокнотымды жанымда алып жүретінмін: бар ісімді, жоспарым мен идеямды соған түртіп алатынмын. Қазір оны ноутбук алмастырды. Бұған дейін ASUS компаниясының екі ноутбугын сатып алып, біраз уақыт қолданғанмын. Олар кез келген бұрынғы құрылғылар сияқты сәл ауырлау, үлкен еді. Ал маған ноутбугым қойын дәптері сияқты жеңіл әрі сәнді болғаны керек. Сондықтан ExpertBook P5-тің әлдеқайда жеңіл әрі шағын екені ұнады: қалыңдығы — 4 миллиметр, салмағы — 1,29 келі ғана.
ExpertBook P5 ноутбугын көтеріп те жүре аласың, кездесуге барғанда алдыңа қойып, еркін отырасың. Сөмкеңе салсаң да, бар-жоғы білінбейді. Шыны керек, әріптестерім ExpertBook P5-тің сырт пішініне қарап-ақ, оған қызығып, «Қайдан алдың?» деп сұрап кетті. ExpertBook P5 сырт көрінісімен-ақ өзін қызықтыра алады.
Ноутбуктағы маңызды нәрсе — процессоры, операциялық жүйесі және жады
Бұрын ІТ маманы болып істегенмін, сондықтан ноутбуктың тілін, оның функцияларын жақсы білемін. Өзіме ноутбук таңдағанда әуелі оның процессорына, операциялық жүйесіне, жадына және экранына аса мән беремін.
ExpertBook P5-тің осы функциялары көңілімнен шықты. Себебі ноутбук Windows 11 операциялық жүйесі бойынша істейді. Жады — 32 Гб-ға дейін. Процессоры — Intel Core Ultra 2 series, оған үш үдетілген жасанды интеллект элементі еніпті. Соның арқасында құрылғы тапсырмаларды лезде орындайды дейді. Шынымен-ақ, құрылғының өте жылдам істейтінін байқадым. Бұл атап айтарлық артықшылығы дер едім. Себебі кей құрылғы қатып, уақытыңды алады, жүйкеңді тоздырады. Ал жұмыс қарбаласып тұрғанда шыдамсыз болып кететініміз бар. Осындайда ноутбугың тез-тез істегенін қалайсың. ExpertBook P5 арқылы интернетті шарласам да, құжаттарды ашсам да, қиындықсыз, жылдам істелді.
«Экраны құдды бір кинотеатрда отырғандай әсер қалдырады»
ExpertBook P5 ноутбугының экраны — 14 дюйм, 2,5K сапада көрсетеді. Жиілігі — 144 Гц. Фильм көргенді ұнатамын, сол себепті ноутбуктың экранын сол арқылы бағалап көруді жөн көрдім. Күні кеше шыққан «Гладиатор 2» фильмін көріп шықтым. Үш сағатқа созылған туындыны ExpertBook P5 ноутбугынан сүйсініп тамашаладым. Себебі құрылғының экраны фильмді, ондағы әр бөлшекті, арнайы эффектерді, кейіпкерлердің бейнесін, шайқасқан сәттерін тұп-тұнық етіп көрсетті. Дыбысы да жарқын-жарқын, қатты естілді. Құдды бір кинотеатрда отырғандай болдым. Ноутбуктың экраны мен дыбысы фильмдегі әсерді толықтай бере алды.
Біздің платформамыздың оқушылар мен мұғалімдерге арналған видеосабақтарын да сапалы етіп көрсетті әрі дыбысы анық естіліп тұрды.
«Жұмыс істегенде желдеткіші шулап, мазаны алмайды»
Бұл ноутбуктың тағы бір артықшылығы — ExpertCool желдеткіші. Желдеткіші өте жақсы істейді екен әрі дыбысы шығып, шулап, мазаны да алмайды. Күніне 8-9 сағат қолдансам да, қатты қызып кетпеді. Желдеткіші ноутбуктың корпусы ашық тұрса да, жабық тұрса да, ыстық ауаны дер кезінде сыртқа шығарып тұрады екен.
«Камерасының жапқышы ыңғайсыз жағдайлардан құтқарады»
Жоғарыда айтқанымдай, жиналыстарға көбіне онлайн қатысамын. Бұл ноутбугымның камерасы сапалы болуы керек деген сөз. Камера түр-әлпетіңді анық әрі тұнық көрсетіп тұрса, камераның ар жағында отырған адамдармен жақсырақ байланыс орнатасың.
Оған қоса маған камераның бетін жауып қоюға болатыны ұнады. Кейде әлі дайын болмай тұрғаныңда Zoom қосылып кетіп, ыңғайсыз жағдайға қалдырады. Ал мұнда камераны жауып қойып, кейін өзіңе керек кезде аша аласың. Демек, камерасы тек қауіпсіздікті қамтамасыз етіп қоймай, келеңсіз жағдайлардан да құтқарады. Айтпақшы, маған ноутбукты саусақ ізі арқылы ғана қосуға болатыны да ұнады.
Оған қоса онлайн жиналысқа қатысатын уақытта форматқа сай келмейтін жерде болсаң не жеке кеңістігіңді көрсеткің келмесе, артқы фонды өзгертуге болады екен.
Ноутбуктағы жасанды интеллектінің мүмкіндіктері арқасында кез келген тілдегі конттентті тұтынуға болады
ExpertBook P5 ноутбугына жасанды интеллект технологиясының бірқатар мүмкіндігі енгізіліпті. Соның арқасында бұл құрылғы арқылы нешетүрлі шаруаны тез, оңай әрі тиімді істеуге болады. Мен оның бәрін қолданып көре алмадым. Дегенмен кейбірін қолданып, кейбірімен танысып шықтым. Мәселен, маған ең ұнағаны — Live Caption. Өзім ағылшын жетік білмеймін. Сонда да кейде ағылшын тіліндегі видеоларды, видеосабақтарды көргенде толық түсінбей, қиналамын. Ал Live Caption арқасында Youtube-тағы контенттің қай тілде екені маңызды болмай қалды. Осы қызметті қоссаң болғаны, астына өзің түсінетін тілде аудармасын шығарып береді екен.
Оған қоса жұмыста көп презентация жасаймын. Оны жасау үшін дизайнердің көмегін сұраймын. ExpertCool ноутбугының Cocreator функциясын қолданып көргеннен кейін, бұл ноутбукты алсам, ешкімнен көмек сұрамай-ақ, бәрін өзім істей алатынымды түсіндім. Бұл уақытты да үнемдеуге көмектеседі.
Оған қоса ноутбуктың AI ExpertMeet қосымшасы арқылы онлайн жиналыс өткізуге болады екен. Артық қосымшаларды, бағдарламаларды жүктеп отырудың қажеті шамалы. Ал AI Meeting Minutes арқылы аудиохабарламаларды мәтінге айналдыруға болады. Мұны компаниямыздағы әріптестерім видеосабақтар жасағанда ұтымды пайдалана алар еді деп ойлаймын.
Қосымша функциялары: пернетақтасы, тачпады, қуаты, жалғағыштары
Ноутбук пернетақтасы мен тачпады үлкен етіп жасалыпты. Бұл мәтін тергенде, хат алмасқанда, маңызды құжаттарды толтырғанда ыңғайлы. Тачпады тез істейді. Ал қуаты ұзаққа жетті. Ноутбукты қуаттағышқа қойғанымда жарты сағатта қуатын шамамен 50%-ке дейін толтырып берді. Бір-бір жарым сағатта толық қуаттап, күні бойы емін-еркін қолдандым. Кейде кеңседе емес, кофеханаларда жұмыс істеймін. Қуатың бітсе, тоқ көзін іздеп, әуреленіп кетесің. Ал мұнда ұзаққа жеткен соң, алаңдамайсың.
ExpertBook P5 ноутбугының біраз жалғағышы бар екен: 2 Thunderbolt, 4 USB-C, USB-A 3.2, HDMI 2.1. Олар арқылы ноутбукқа үш монитор жалғауға болады.
«My ASUS бағдарламасы ноутбугыңа диагностика жасап отырады екен»
My ASUS қызметінен ноутбугыңа қатысты барлық ақпаратты — қуаты қанша қалғанын, хард дискісінде қанша жады қалғанын және тағы басқасын біліп отырасың. Оған қоса ноутбукқа диагностика жасап, жаңарту керек кезде ескертіп, нұсқаулық беріп тұрады. Меніңше, бұл — тиімді бағдарлама. Құрылғыңа қатысты сұрағың туындаса, басыңды қатырмай, сол жерден ақпарат алып, мәселенің шешімін лезде таба аласың және құрылғыңның қандай жағдайда екенін біліп отырасың.
Айта кетері, ASUS ExpertBook P Series – қазіргі кәсіпқой мамандар, кәсіпкерлер, үйден жұмыс істейтіндер мен шағын және орта бизнес үшін тамаша шешім. Бұл серияға жататын ноутбуктардың өнімі, сапасы жоғары, қауіпсіз және оған жасанды интеллектінің көптеген мүмкіндігі енгізілген. Компания ExpertBook P сериясының ноутбуктарын жұмыс процесін тиімді әрі жеңіл ету үшін жасаған. Мәселен:
- P5 – премиум модел, корпусы біртұтас металлдан жасалған. Ол мобильді, өнімді және Copilot+ PC сияқты жасанды интеллектің инновация мүмкіндігі қосылған.
- P1 – бағасы жағынан қолжетімді модель. Бұл ноутбук моделі жеңіл, бірақ өте қуатты келеді.
ExpertBook P сериясы сіздің жұмыс процесіңізді ойлап, кез келген ауқымдағы бизнесіңізді сенімді әрі ыңғайлы жүргузіге мүмкіндік береді.
Қорытындылай келе, ASUS ExpertBook P5 ноутбугының мынадай артықшылығын айтуға болады:
- жеңіл, шағын;
- экраны сапалы;
- процессоры мықты;
- жасанды интеллект элементтері бойынша істейді;
- камерасы сапалы;
- қауіпсіздік шаралары сақталған.
