Бүгін Алматы тұрғындары тағы жер сілкінгенін сезді. Бұл туралы ТЖМ хабарлап отыр.
ҚР ТЖМ «Сейсмологиялык зерттеу институты» ЖШС сейсмикалық станциялар желісі 2024 жылғы 5 қарашада Астана уақытымен 10 сағат 01 минутта Алматы облысы мен Алматы қаласында жер сілкінгенін тіркеді, — делінген хабарламада.
Алматы қаласында ғимараттардың бұзылуы не қирауы туралы ешқандай ақпарат түспеген. Құзырлы органдар қала халқын сабырға шақырды.
Төтенше жағдайлар департаментінің хабарлауынша, жер сілкінісінің ошағы Қазақстан аумағында, Алматы қаласынан шығысқа қарай 33 шақырым жерде орналасқан.
Есептік қарқыны:
Алматы – 3 балл;
Талғар – 4 балл;
Есік – 4 балл;
Түрген – 3 балл;
Өтеген батыр – 3 балл;
Боралдай – 2 балл;
Маловодное – 2 балл;
Ж. Қайыпов – 2 балл;
Алатау (Жетіген) – 2 балл;
Қарасай (Қаскелең) – 2 балл.
