Алматыда жылу желілеріндегі жөндеу жұмыстары кезінде Алтынсарин даңғылы бойынша жол жүру ішінара шектеледі. Бұл туралы «Алматы жылу желілері» ЖШС хабарлады.
29 шілдеде сағат 13.00-ден 30 шілдеде сағат 08.00-ге дейін Алматының Әуезов ауданында көлік қозғалысы Алтынсарин даңғылы бойынша №6 қалалық емханадан Абай даңғылына дейін оңтүстік бағытта жабылады. Қозғалыс солтүстік бағытта ашық болады.
Алдағы жылыту маусымына жылумен жабдықтау желілерін дайындау жөніндегі іс-шаралар аясында магистральдық құбыр учаскесінде жөндеу жұмыстарын жүргізу қауіпсіздігін қамтамасыз ету үшін уақытша шектеулер енгізіледі, — делінген хабарламада.
