Алматыда Абай даңғылының бір бөлігі уақытша жабылады

Жол жөндеу жұмыстарына байланысты Абай даңғылының бір бөлігінде көлік қозғалысы тоқтатылады.

14 мамыр сағат 22:00-ден 15 мамыр сағат 06:00-ге дейін Абай даңғылының Алтынсарин көшесінен Саин көшесіне дейінгі бөлігінің оңтүстік бетінде көлік қозғалысы уақытша шектеледі.

Аталған бөліктің, яғни Абай даңғылының Алтынсарин көшесінен Саин көшесіне дейінгі бөлігінің солтүстік бетінде де жол жөндеу жұмыстары жүреді. 15 мамыр сағат 22:00-ден 16 мамыр сағат 06:00-ге дейін жол уақытша жабылады. Бұл шара орташа жол жөндеу жұмыстары аясында жоспарланған, — деп хабарлайды Алматы қалалық әкімдігінің баспасөз қызметі.

Мамандар қала тұрғындарына жол жүру бағыттарын алдын ала жоспарлап алуға кеңес берді.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз