16 шілдені күні Медеу және Бостандық аудандарының кей аумақтарында суық су болмайды.
«Алматы Су» баспасөз қызметі мегаполистің сумен жабдықтау желілерінде профилактикалық жұмыстар жоспарланғанын хабарлады.
Мекеме 16 шілде сағат 09.00-ден 21.00-ге дейін қаланың кейбір ауданында суық сумен жабдықтау шектелетінін ескертеді.
Сумен жабдықтау шектелетін аумақтар:
- Медеу ауданы: Достық даңғылы — Қажы Мұқан көшесі – Назарбаев даңғылы – Сәтбаев көшесі, Самал шағынауданы-1,2,3.
- Бостандық ауданы: Әл-Фараби даңғылы – Батыс Желтоқсан көшесі — Ганди көшесі – Назарбаев даңғылы.
Жұмыстан кейін судың сапасы уақытша өзгеруі мүмкін. Су құбыры желілері толық шайылып кеткенге дейін кір жуғыш/ыдыс жуғыш машиналар мен өзге де құрылғыларды пайдаланбаған жөн, — делінген хабарламада.
