Алматыда Жүргенов көшесінде көлік қозғалысы шектеледі. Бұл туралы «Алматы жылу желілері» ЖШС хабарлады.
8 маусым мен 15 қыркүйек аралығында Алматының Медеу ауданында Жүргенов көшесі бойынша Жетісу көшесінен Тянь-Шань — Жангелдин көшесіне дейінгі аралықта көлік қозғалысы шектеледі.
Қозғалыс екі жаққа да жабылады.
1988 жылы пайдалануға берілген, аталған көшенің жүріс бөлігінің астынан өтетін ұзындығы 695 метр құбырды реконструкциялау учаскесінде жоспарлы жұмыстарды жүргізу қауіпсіздігін қамтамасыз ету үшін уақытша шектеулер енгізіледі, — делінген хабарламада.
Бұл құбыр 18 көппәтерлі тұрғын үйді, 61 жеке үйді, бір балабақшаны, бір мектепті және 13 өзге де объектілерді жылумен және ыстық сумен қамтамасыз етеді. Жоғарыда көрсетілген тұтынушлар реконструкция кезінде ыстық сумен жабдықталады.
Уақытша қолайсыздықтарға түсіністікпен қарауды және көрсетілген учаскені айналып өту жолдарын алдын ала қарастыруды сұраймыз, — делінген хабарламада.
