«Қазгидромет» РМК синоптиктері 22 мамырға арналған ауа райы болжамын ұсынды.
Синоптиктердің мәліметінше, республиканың басым бөлігінде атмосфералық фронттар әсерінен найзағай ойнап, екпінді жел соғады, солтүстікте бұршақ жауады. Алматы облысының таулы аймақтарында түнде жауын-шашын (жаңбыр, қар) болады.
Республика бойынша тұман түсіп, екпінді жел соғады.
Қарағандының оңтүстігінде, Қостанайда, Атыраудың солтүстік-батысында, Қызылорданың шығысында, батысында, Батыс Қазақстанның оңтүстік-батысында, солтүстік-батыста, Шығыс Қазақстан облысының оңтүстік-шығысында, Абай облысының орталығында жоғары өрт қаупі сақталады.
Абай облысының оңтүстігінде, Түркістан облысының шөлді аймақтарында төтенше өрт қаупі бар.
