2017 жылдың 15-16 сәуірінен бастап Астана қаласының Успен кафедралдық соборында (6 ш/а, Күйші Дина, 27), Константин-Елениндік собор (Республика даңғылы, 12), Серафим Саровский Храмы (Бөгенбай батыр даңғылы, 8) шіркеулерінде құдайға құлшылық ету рәсімі өткізіледі.
Мейрамды атап өту 15 сәуір күні сағат 11.00-ден киелендіру рәсімдерінен басталады, 15 сәуірден 16 сәуірге қараған түні сағат 22.00-ден 3.00-ге дейін мерекелік құдайға құлшылық етулер, 16 сәуір күні сағат 9.00-ден 10.00-ге дейін мерекелік Пасхалық құлшылық етулер және 16 сәуір күні бойы ақтау, киелендіру рәсімдері өтеді.
Бағдарлама бойынша қаланың православиелік тұрғындары дін жорасын және үлкен православиелік оқиға — Пасха мейрамына арналған салтанатқа қатысады.
Христиандар Пасха күнінде жұмыртқаларын түрлі түске бояйды, ал Ресей мен Балкан елдерінде сол түрлі-түсті жұмыртқаларын бір-бірімен қақтығыстырады. Бұрын орыс селоларында жұмыртқаларды төбенің басынан домалатып жарыс ұйымдастыру дәстүрі болған.
Пасха грек тілінен аударғанда «өтіп кету» деген мағынаны береді. Бұл христиан дінінің ежелгі әрі ең маңызды мейрамы.
