Екібастұзда тойға жиналған қонақтар тамақтан уланып қалды

Екібастұзда тойға жиналған қонақтар тамақтан жаппай уланып қалды. Қалалық ауруханаға 30 шақты адам жүгінді. 

Бұл туралы Pavlodarnews.kz хабарлады.

Павлодар облысының денсаулық сақтау басқармасы баспасөз қызметінің мәліметінше, 14 сәуірден бастап қалалық аурухананың инфекциялық бөлімшесіне тамақтан улану және бактериялық ішек инфекциясы белгілері бар пациенттер жаппай жүгінді.

Эпидемиологиялық анамнезді жинау кезінде олардың барлығы 13 сәуір қарсаңында қаланың кафелерінің бірінде өткен іс-шараның қонақтары екені анықталды. Емделушілер қабылдау бөлімшесінде қаралғаннан және шұғыл медициналық көмек көрсетілгеннен кейін (асқазанды шаю) инфекциялық бөлімшеге жатқызылды. Барлығы 14 сәуірден 15 сәуір сағат 17.00-ге дейінгі аралықта 32 адам жүгінді, оның төртеуі ауруханаға жатқызудан бас тартты, қалғандары қазіргі уақытта ем алып жатыр. Науқастардың жағдайы орташа ауырлық дәрежесі ретінде қарастырылады, – делінген хабарламада. 

Қалалық санитарлық-эпидемиологиялық бақылау басқармасы тамақтан улану жағдайы бойынша басқарма мейрамханаға қатысты ҚР кәсіпкерлік кодексіне сәйкес жоспардан тыс тексеру жүргізіп жатқанын хабарлайды.