Бүгін мәдениет және ақпарат министрлігі қазақстандық ЛГБТ сайтын бұғаттау туралы шешім қабылдады. Бұл туралы KazFace.kz хабарлады.
«Selftanu.kz» деп аталатын веб-сайт ЛГБТК+ жасөспірімдерін қолдайтын, сонымен қатар жыныстық сәйкестігі туралы ақпарат іздейтіндерге арналған платформа ретінде жасалған. Бұғатталғанға дейін сайттың басты бетінде оның миссиясы мен мақсаттарының сипаттамасы болды.
Аталған сайттағы мақалалар мазмұны қазақстандықтардың наразылығын тудырды. Елдегі ЛГБТК+ жасөспірімдер үшін ашылған сайттың алғашқы күні дәстүрлі емес жыныстық бағдар туралы ақпаратты таратуды тоқтату туралы петиция пайда болды.
Ақпарат министрлігі осы сайтты бұғаттау себептеріне қатысты ресми түсініктеме берді.
Интернет-ресурста жүргізілген мониториң нәтижелері бойынша «selftanu.kz» сайты қазақстандық заңнаманы бұзғаны анықталды. Бұл бұзушылықтар балалардың денсаулығы мен дамуына зиян тигізуі мүмкін контентті жариялаумен байланысты. Балалардың құқықтарын қорғау жөніндегі уәкілетті орган Қазақстан халқына ЛГБТ идеяларын тарататын интернет-ресурстарға қолжетімділікті шектеу туралы шешім қабылдады. Бұл шешім балалардың психологиялық және жас ерекшеліктерін, олардың ақпараттық ортаның теріс әсеріне осалдығын, сонымен бірге қазақстандық қоғам мен мемлекеттің тарихи, мәдени дәстүрлері мен құндылықтарын ескере отырып қабылданды. Бұл қадамның мақсаты-балалардың тиісті тәрбиесі мен үйлесімді дамуын қамтамасыз ету, — деп мәлімдеді министрлік.
«Балаларды денсаулығы мен дамуына зиян келтіретін ақпараттан қорғау туралы» қазақстандық заңға сәйкес, айқын жыныстық-эротикалық сипаттағы ақпарат, сонымен қатар балалар арасында таратуға Қазақстан Республикасының басқа да заңдарында тыйым салынған ақпарат балалар үшін тыйым салынған санатқа жатады. «Бала құқықтары туралы» заң порнографияны және балаларға зиянды әсерді тарататын бұқаралық ақпарат құралдарына тыйым салуға баса назар аударады, бұл қол жетімділікті шектеуге негіз болады.
«Бала құқықтары туралы» заңда бұқаралық ақпарат құралдарын порнографиялық мазмұнды, сондай-ақ балаларға теріс әсер ететін немесе олардың құқық бұзушылықтарын жасауға ықпал ететін материалдарды тарату үшін пайдалану заңға сәйкес бұзушылық және қудалауға жатады, мұндай материалдарды таратуға тыйым салынады. Дәл осы ережелер негізінде министрлік «Selftanu.kz» веб-ресурсын шектеу туралы шешім қабылдады, — делінген хабарламада.
Осы ретте министрлік егер сайт заңбұзушылықты жоятын болса, онда сайт қалпына келтірілетінін жеткізді.
