Қазақстанда 10 178 адам іздестіріліп жатыр. Бұл туралы бас прокуратура хабарлады.
Бас прокуратураның құқықтық статистика және арнайы есепке алу жөніндегі комитетінің деректері бойынша қазіргі уақытта 10 178 адам іздестіріліп жатыр, олардың 2 098-і – хабар-ошарсыз жоғалғандар, — делінген хабарламада.
Жоғалған адамдардың көп бөлігі мына өңірлерде тіркелген:
- Алматы қаласы — 278;
- Қарағанды облысы — 217;
- Павлодар облысы — 170;
- Алматы облысы — 152.
1 572 адам үйден кетіп, оралмаған, 73 адам автокөлікпен жоғалған, ал 38 адам жұмыстан шығып, хабар-ошарсыз кеткен. Көбінесе 30-дан 49 жас аралығындағы ер адамдар (77%) әртүрлі жағдайларда жоғалады. Сонымен қатар елде тергеу мен соттан жасырынған 2 378 адам іздестіріліп жатыр, — делінген хабарламада.
Іздестірілуде жүргендер – негізінен 31 мен 40 жас аралығындағы ер адамдар (89%). Олардың көбі алаяқтық (526), ұрлық (309) және адам өлтіру (143) дерегі бойынша:
- Алматы қаласында (496);
- Астана қаласында (183);
- Шымкент қаласында (149);
- Алматы (164);
- Қарағанды (148) облыстарында іздестіріліп жатыр.
Бас прокуратура Қазақстанда іздестіруді ішкі істер органдары, экономикалық тергеу қызметі және сыбайлас жемқорлыққа қарсы қызмет жүзеге асыратынын еске салды.