Түркістан облысының таулы аймақтарында бұрқасын жел басталып, ауа райы күрт өзгерді.
Бұл туралы Түркістан облысы полиция департаментінің баспасөз қызметі хабарлады.
Қазіргі кезде өңірдегі Бәйдібек пен Түлкібас аудандарын байланыстыратын жол, «Батыс-Еуропа — Батыс-Қытай» трассасы, Қошқарата-Жарықбас-Бірлік, Шаян-Ағыбет-Шақпақ, Көксәйек-Ақсу-Мыңбұлақ бағытындағы жолдар жабық. Кей жерлерді қалың қар басып, жолдарды мұз қатқан.
Тәртіп сақшылары тұрғындардың қауіпсіздігі үшін үздіксіз қызметті жалғастырады және тұрғындарға ұзақ жолға шықпауға кеңес береді, — делінген хабарламада.
Аязға байланысты бірнеше ауданда мектептер онлайн оқытуға көшті. Созақ, Ордабасы, Кентау қалаларында бастауыш класс оқушылары қашықтан оқып жатыр.