Сыбайлас жемқорлыққа қарсы қызмет «Азық-түлік келісім-шарттық корпорациясы» ҰК» АҚ қызметінің продкорпорация өңірлік филиалдары мен ведомстволық бағынышты ұйымдарының бірқатар басшысы жемқорлық ісі бойынша ұстады. Бұл туралы Антикор хабарлады.
Астық ұрлау фактілерін жасыру үшін пара беру әрекеті кезінде астық базаларының бұрынғы директоры мен оның көмекшілері әшкереленді. Сонымен қатар жасалған қылмысты жасыру әрекеті кезінде астық базаларының бұрынғы директоры мен оның серіктестері пара беруге әрекет жасағандар анықталды, — делінген хабарламада.
Қазіргі уақытта күдіктілер сот санкциясы арқылы қамауға алынды. Сотқа дейінгі тергеу жүріп жатыр.
Сонымен қатар Астана қаласында қаржы департаментінің директоры мен «Азық-түлік корпорациясы» АҚ бас менеджеріне қатысты тергеу аяқталды.
Тергеу барысында олар бидай түрінде тауарлық несие бергені үшін коммерциялық ұйым басшысынан 800 мың теңге сомасында пара алғаны анықталды. Айыпталушылар сотқа тартылды, — делінген хабарламада.
Оған қоса арнайы жедел-іздестіру іс-шаралары кешенінің нәтижелері бойынша «Азық-түлік корпорациясы» АҚ Қостанай облыстық өкілдігінің директоры әшкереленді.
Ол ЖШС өкілінен 100 мың тонна бидай көлемінде тауарлық несие алу мәселесін оң және кедергісіз шешкені үшін 350 мың теңге сомасында пара алды деген күдікке ілініп отыр. Сотқа дейінгі тергеу жүріп жатыр, — делінген хабарламада.
Қылмыстық-процестік кодекстің 201-бабы бойынша, өзге ақпарат жария етілмейді.
Конституцияның 77-бабы, 3-тармағының, 1-тармақшасы және Қылмыстық-процестік кодексінің 19-бабы, 1-бөлігі бойынша, қылмыстық құқық бұзушылық жасаудағы кінәсі соттың заңды күшіне енген үкім арқылы белгіленгенге дейін әрбір адам кінәсіз деп есептеледі.
