Қырғызстанның Нарын облысында алғашқы қар жауды. Бұл туралы Қырғызстандағы Кактус Медиа басылымы хабарлады.
Хабарда ақпаратты қырғыз-қытай шекарасына жақын тұратын куәгерлер растағаны жазылған. Желіде жолдар мен көліктер қар жамылған видео тарады.
Бұған дейін Қырғызгидромет 27 тамыз күні түстен кейін және 28 тамызда аумағының көп бөлігінде жаңбыр жауып, таулы аудандарда жаңбырдың қарға ұласатыны, кей жерлерде жауын-шашын қарқынды болады деп ескертті.
