Бір аптада елімізде 2 800-ден астам қылмыс тіркелді. Бұл туралы ішкі істер министрлігі баспасөз қызметінің өкілі Шұғыла Тұрлыбек айтты.
Бір аптада 2 839 қылмыс жасалды, оның 1 701-і тәулік ішінде ашылды. Полиция қызметкерлері «ізін суытпай» кісі өлтіруге қатысты — төрт, өлімге әкеп соққан денсаулыққа қасақана ауыр зиян келтіруге қатысты — екі, сонымен қатар 43 тонау және 388 бөтен мүлікті ұрлау қылмыстарын ашты, — деді Шұғыла Тұрлыбек министрліктің баспасөз алаңында өткен брифиңде.
Сонымен бірге қылмыстық-атқару жүйесі мекемелерінде жыл басынан бері бейнебақылау камераларының көмегімен 3,5 мыңға жуық бұзушылық анықталды. Бүгінгі таңда колонияларда 22 мыңнан астам бейнекамера орнатылған.
