Қасым-Жомарт Тоқаев Астанада «Отан Ана» монументіне гүл шоғын қою рәсіміне қатысты. Бұл туралы Ақорда хабарлады.
Президент елордадағы «Отан Ана» монументіне гүл шоғын қойып, Ұлы Отан соғысы жылдарында қаза болған жауынгерлеріміздің рухына тағзым етті.
Содан кейін президенттік оркестр мемлекеттік әнұранды орындап, Құрмет қарауылы ротасы шараға қатысушылардың алдынан сап түзеп өтті.
Шара соңында Қасым-Жомарт Тоқаев ардагерлермен әңгімелесті. Президент оларды Жеңіс күнімен құттықтап, барша отандасымызға зор денсаулық, амандық тіледі.
