Алматыда 2023 жылғы 6-10 қыркүйек аралығында сегізінші рет Baiqonyr халықаралық кинофестивалі өтеді.
Кинофестивальдің миссиясы — кинематографтың дамуына жәрдемдесу, талантты авторларды қолдау және қазақстандық мәдениетті әлемдік кино қоғамдастығына ықпалдастыру.
Сегізінші кинофестивальге қысқаметражды ғана емес, сонымен қатар дебюттік толықметражды фильмдер да қатыса алады.
Baiqonyr-2023 байқау бағдарламасының толық тізімі келесідей:
- Халықаралық дебюттік толықметражды көркем фильмдердің байқауы;
- Халықаралық көркем және деректі қысқаметражды фильмдер байқауы;
- Ұлттық көркем және деректі қысқаметражды фильмдер байқауы.
Байқаулардың әрқайсын беделді қазылар алқасы бағалайды.
Конкурстан тыс бағдарлама да ауқымды болады. Ол жерде ТМД елдерінің кинотанушылары мен сыншыларының II форумы өтеді, оның жұмысына 30-дан астам шетелдік мамандар қатысады. Білім беру бағдарламасы кеңінен ұсынылған: танымал режиссерлар мен актерлардың шеберлік сыныптары, воркшоптары мен дәрістері; киноиндустрияның өзекті мәселелері бойынша дөңгелек үстелдер.
VIII Baiqonyr Film Festival конкурстық бағдарламасына қатысу үшін өтініш қабылдау 5 мамырда басталады. Халықаралық конкурстарға өтініштер 1 шілдеге дейін, ұлттық конкурстарға 1 тамызға дейін қабылданады.
Фестиваль ТМД-ға қатысушы мемлекеттердің мемлекетаралық гуманитарлық ынтымақтастық қорының қолдауымен өтеді.
