Қазақстандағы халыққа қызмет көрсету орталықтары мен арнаулы халыққа қызмет көрсету орталықтарының мереке күндеріндегі жұмыс кестесі жарияланды.
Мамыр айында қазақстандықтар мына күндері демалады: 1 мамыр – Қазақстан халқының бірлігі күні, 7 мамыр – Отан қорғаушылар күні және 9 мамыр – Жеңіс күні.
«Азаматтарға арналған үкімет» мемлекеттік корпорациясы мереке күндеріне байланысты Қазақстанның халыққа қызмет көрсету орталықтары мен арнайы халыққа қызмет көрсету орталықтары 1, 8 және 9 мамырда жұмыс істемейтінін хабарлады.
6 мамыр, сенбі күні кезекші халыққа қызмет көрсету орталықтары мен арнайы халыққа қызмет көрсету орталықтарының қызметкерлері ғана жұмысқа шығады. Бұл күні олар азаматтарға сағат 13:00-ге дейін қызмет көрсетеді. 10 мамырдағы мереке күндерінен кейін барлық халыққа қызмет көрсету орталығы әдеттегі кесте бойынша жұмысын жалғастырады, — делінген хабарламада.
Қалыпты күндері халыққа қызмет көрсету орталықтары мына уақытта жұмыс істейді:
- жұмыс күндері – сағат 9:00-ден 18:00-ге дейін,
- кезекшілік: жұмыс күндері – 9:00-ден 20:00-ге дейін, сенбі күні — 9:00-ден 13:00-ге дейін.