Қазақстанда 16 сәуірде 41 жол-көлік апаты тіркелген. Бұл туралы ішкі істер министрлігі хабарлады.
Министрлік хабарына қарағанда, 41 жол апатынан 46 адам жарақат алған, 5 адам қаза тапты. Статистикаға адам зардап шеккен жол апаттары енгізілген.
Ал Астанада осы күні жалпы саны 240 жол-көлік апаты болған.
Астанада 15 сәуірде қар жауып, қалада көлік қозғалысы нашарлаған. 16 сәуірге қараған түні коммуналдық қызметтер қаладан 24 мың текше метрден астам қар шығарды.
